Lexuesit elektronikë kanë përjetuar popullaritet të madh gjatë disa viteve të fundit, e të gjitha kompanitë provojnë të sjellin ndonjë risi në këto pajisje jashtëzakonisht të dobishme.
Kështu kompania Foxit ka paraqitur lexuesin eSlick E-reader i cili nga konkurrenca dallohet për nga çmimi i ulët.
Pajisja përmban ekranin E Ink Vizplex me madhësi prej gjashtë inçësh, i cili ofron rezolucion të fotografisë prej 600 x 800 piksela.
Ekrani është në gjendje të paraqesë katër gradientë të ngjyrës së përhimët, më 166 pika për inç.
Ky lexues elektronik ka mbështetje edhe për dosjet PDF dhe TXT, derisa si shtojcë ka mbështetje edhe për dosjet audio në formatin MP3.
Për ruajtjen e të dhënave janë siguruar 128 megabajt të memories interne, së bashku me qasjet për kartelat SD të kapacitetit prej 2 deri në 4 gigabajt.
Pajisja është e hollë vetëm një centimetër, derisa bateria të cilën e përdorë mundëson shfletimin e 8.000 faqeve para se të shpenzohet.
Forum 
Kërko 
Regjistrohu 
identifikimi 
