Leon Twin Drive, hibrid ekologjik nga Seat

Seat në qendrën e vet teknike afër qytetit të Barcelonës ka paraqitur prototipin e automjetit hibrid i cili punon me naftë dhe energji elektrike. Modeli bart emrin Leon Twin Drive Ecomotive, derisa shitja komerciale e tij pritet në vitin 2014.
Seat ka paralajmëruar se modeli i ri do të mund të punoj ekskluzivisht në energji elektrike gjatë vozitjes nëpër mjedise urbane, respektivisht në distanca të shkurtra, derisa në kilometra më të mëdha motori do të aktivizohet me naftë.

Punët ende janë duke u kryer në frena, goma, sisteme të ftohjes, derisa inxhinierët e prodhuesit Seat theksojnë se do të nevojiten ndryshime thelbësore në elektronikën e modelit e ri.


Leon Twin Drive Ecomotive, i cili për punë aktualisht përdorë bateritë litium-jon, jep të kuptojmë se Seat edhe në të ardhmen do të punojë në zhvillimin e modeleve “të gjelbra”.