Tregun e celularëve e pret rënia drastike

Parashikimet e sivjetme në botën e teknologjive komunikuese e informuese, njëjtë sikur në segmentet e tjera industriale globale, nuk janë më të mirat. Sipas vlerësimeve më të reja, këtë vit do të duhej të ngjante edhe rënia e shitjes së celularëve, që do të jetë hera e parë pas vitit 2001.
Siç raportojnë analistët e kompanisë Strategy Analytics (SA), pjesa e parë e këtij viti do të jetë veçanërisht e dobët sa i përket numrit të celularëve të shitur.

SA parasheh se këtë vit në mbarë botën do të shiten gjithsej 1.08 miliardë celularë, që shënon rënie në krahasim me 1.18 miliardë sa janë shitur në vitin 2008. Kjo do të jetë hera e parë që bie tregu i celularëve pasi që një gjë e tillë, rënia e numrit të shitjeve prej gjashtë për qind, ka ngjarë në vitin 2001.